Ish-lojtari i të rinjve të Skënderbeut, Dorian Tahirllari, ka ndërruar jetë në moshën 18-vjeçare.
Para më shumë se një viti, futbollisti zbuloi se vuante nga tumori malinj në stomak, shtyllë kurrizore dhe në veshka, teksa kërkoi ndihmën e njerëzve për të kryer operacionin. Pavarësisht vuajtjeve të mëdha dhe kurimeve, Doriani nuk e fitoi dot betejë me këtë sëmundje.
Përballë çdo vështirësie, familja Tahirllari, e cila kishte bërë apel për ndihmë, me ndihmën e shqiptarëve që kontribuan, ia doli të stabilizojë gjendjen e Dorianit, në një spital privat ne Maqedoni.
Por kaq nuk mjaftoi që Doriani të shërohej plotësisht, pasi i duhej të përballej edhe njëherë me këtë sëmundje, e cila për fat të keq i mori jetën.
Mbrëmjen e djeshme, 18-vjeçari ka ndërruar jetë, duke sjellë një pikëllim shumë të madh tek të gjithë njerëzit që janë njohur me rastin e tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
