Kryedemokrati Lulzim Basha pritet që sot prej orës 16:00 të mbledhë Kryesinë e Partisë Demokratike.
Përmes një mesazhi që mban emrin e Sekretarit të Përgjithshëm të Partisë Demokratike, Gazment Bardhi, Basha fton të gjithë anëtarët e kryesisë së PD-së në sallën e mbledhjeve të Grupit, në katin e dytë të selisë blu.
Në rend ditë do të jetë situata politike e kësaj partie.
Bardhi në mesazhin e tij ka paralajmëruar marrjen e masave për të mbrojtur interesin e Partisë Demokratike dhe funksionimin demokratik të organeve të saj.
“Diskutime dhe vendimmarrje mbi situatën politike, si dhe marrjen e masave për të mbrojtur interesin e Partisë Demokratike dhe funksionimin demokratik të organeve të saj”, shkruhet në mesazh.
Situata në Partinë Demokratike ka agravuar, në një kohe që ish-kryeministri Sali Berisha dhe mbështetësit e tij kanë depozituar në zyrën e kreut të Këshillit Kombëtar, Edi Palokës, 4 mijë e 200 firma për mbledhjen e Kuvendit Kombëtar.
Berisha ka thirrur mbledhjen e Kuvendit Kombëtar më 11 dhjetor për “rrëzimin e vendimit të Bashës mbi përjashtimin e tij nga Grupi Parlamentar dhe mbajtja e zgjedhjeve të reja në PD”.
Data 11 dhjetor “do të vendosë” fatin e ndarjes Berisha-Basha dhe PD-së.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
