Kur debatet mes Turqisë dhe Kosovës janë në pikën më të nxehtë për shkak të dorëzimit të gyelnistëve, lirohet nga detyra ambasadori i Republikës së Kosovës në Turqi, Avni Spahiu. Sipas vendimit, të cituar nga gazeta “Insideri i Kosovës”, kjo është bërë për shkak të përfundimit të mandatit dhe detyrohet Ministria e Punëve të Jashtme që të bëjë menjëherë propozimin për zëvendësimin e tij. Këtë e ka konfirmuar edhe këshilltari i ministrit të Jashtëm, Jetlir Zyberaj.
Vendimi mban nënshkrimin e Presidentit të Kosovës, Hashim Thaçi, i cili i është dërguar Ministrisë së Jashtme, Zyrës së Kryeministrit dhe vetë ambasadorit Spahiu. Deri tani, ambasada e Kosovës në Turqi nuk e ka komentuar vendimin e presidentit, megjithë interesin e mediave. Vendmi i Presidentit të Kosovës, Hashim Thaçi, përfshin një listë me tetë ambasadorë që lirohen nga detyra nëpër shtetet përkatëse ku e kanë përfaqësuar vendin.
Arsyeja e njëjtë e largimit nga këto poste është skadimi i mandatit të tyre. Ambasadorët të cilët janë liruar nga detyra janë Valdet Sadiku në Serbi; Edon Cana në Francë; Avni Spahiu Turqi; Nexhmi Rexhepi, Slloveni; Rexhep Boja, Mbreteria e Arabisë Saudite; Lirim Grejçevci, Mbretëria e Bashkuar; Ylber Hysa, Maqedoni; Shpend Kallaba, Bullgari
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
