Të paktën tetë persona kanë vdekur në Liban dhe pothuajse 3,000 të tjerë janë plagosur, pasi pajisjet që përdoreshin nga milicia e Hezbollahut shpërthyen në Bejrutin jugor dhe disa zona të tjera të vendit.
Vdekjet dhe lëndimet janë raportuar nga Ministria e Shëndetësisë në Liban, ndërsa grupi i armatosur libanez Hezbollah i mbështetur nga Irani konfirmoi se kanë nisur hetimet për të zbardhur ngjarjen e rëndë.
Shpërthimet thuhet se u shkaktuan nga një sulm i njëkohshëm tek pajisjet e sinjalizimit (pagers), nëpërmjet rrjeteve të komunikimit të brendshëm të Hezbollahut.
Deri më tani nuk ka asnjë koment nga ushtria izraelite, e cila ka shkëmbyer zjarr me Hezbollahun që nga tetori i kaluar paralelisht me luftën në Gaza.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
