Një figurë njeriu e vetmuar që mbështet kokën në duar, me gjunjë e supe të mbledhura fort. Ndërsa izolimi vazhdon në Mbretërinë e Bashkuar, skulptori britanik Sir Antony Gormley, si shumë artistë, po dokumenton jetën gjatë pandemisë së koronavirusit.
"Doja ta bëja këtë trup, si një vetvete që burimin e ka brenda vetes. Një trup i tërë si një grusht i shtrënguar prej së brendshmi", tha për “BBC News” Gormley, puna e të cilit shpesh eksploron marrëdhëniet e trupit të njeriut me hapësirën.
Skulptura “Mbaj” është një figurë e vogël në argjilë të errët, e bërë gjatë izolimit dhe e shpërndarë në internet përmes galerisë së Londrës “White Cube”.
"Mendoj se, jam përpjekur të bëja një objekt ekuivalent për shtetin ku ne jemi të gjithë. Shumica prej nesh e jetojmë jetën tonë si një detyrim qesharak ndaj një makinerie që ... gjithmonë na thotë të bëjmë më shumë, të kemi më shumë, të shkojmë në më shumë vende, të fitojmë më shumë para. Kjo është një kohë e mrekullueshme pa detyrime", tha artisti, i njohur më së miri për krijimin e skulpturave në shkallë të gjerë të tilla si "Engjëlli i Veriut", në Tyne dhe Wear.
"Ne duhet të pyesim veten: Çfarë na intereson? Çfarë vlerësojmë? Çfarë duam?"
Përhapja e Covid-19 ka sjellë ndryshime gjithëpërfshirëse në të gjithë botën e artit, pasi galeritë kanë mbyllur dyert e tyre për vizitorët dhe kalendari kulturor i ekspozitave nuk është më. Por artistët kanë qenë të shpejtë për t'u përshtatur me situatën, duke gjetur mënyra të reja për të ndarë punën me audiencën e tyre në internet.
Javën e kaluar, artisti i rrugës Banksy postoi imazhe nga punimet e tij të fundit në “Instagram” - një seri e minjve të tij që shfaqen duke bërë kërdinë në banjën e tij, gjatë mbylljes.
Dhe David Hockney vendosi të ndante 10 nga veprat e tij më të fundit në iPad, nga izolimi në Normandi.
Damien Hirst, ndërkohë, krijoi artin e ylberit me krahë fluturash me ngjyra, një nga motivet e tij më të njohura, që mund të shkarkohen dhe të vendosen në Windows për punëtorët e NHS.
Në fillim të këtij muaji, Gormley iu bashkua artistëve të tjerë, përfshirë Tracey Emin dhe së fundmi Sarah Morris, në kontributin për një seri të re ditarësh artistësh në internet, të pritur në llogarinë “Instagram” të “White Cube”.
"Artistët janë mësuar që në një pjesë të madhe të kohës ta kalojnë duke punuar vetëm, dhe unë mendoj se lejimi i audiencës më të gjerë të shikojë botën e tyre mund të jetë mjaft shpresëdhënëse", tha drejtorja artistike e galerisë, Susan May.
Gormley,i cili zakonisht punon në dy studiot e tij në Londër dhe Northumberland,mendonte se ishte e rëndësishme të përfaqësohen aspektet "më të qeta, më të vogla" të jetës, të cilat kanë dalë në pah gjatë krizës.
"Bizelet, njollosja e çorapeve, lloji i gjërave që mamaja ime bënte, të shikuarit televizor, thurje", shpjegoi ai.
Duke folur nga shtëpia e tij dhe hapësira e punës në Norfolk, artisti vë në dukje se si ishte i rrethuar nga gruaja e tij, artistja Vicken Parsons që po bënte një kapelë për djalin e tyre, Ivo, dhe vajza, Paloma, ulur në tryezë duke bërë një fustan për mbesën e saj.
Komediani dhe artisti Noel Fielding ka krijuar një klub arti virtual online me tema si: "Gjërat që duam nga Italia”.
Shkolla e Arteve në Izolim në “Instagram” ka grumbulluar më shumë se 28 000 ndjekës që kur u krijua në mars - me fëmijë dhe të rritur, duke sjellë projekte, mësime dhe këshilla nga artistët për të përdorur më mirë kohën në izolim.
Ndër ta është Henry Ward, i cili tregon se mund të krijohen skulptura në "tryezë kuzhine", frymëzuar nga veprat e tij të bëra nga objektet e gjetura.
"Shkëmbimi i përmbajtjes në mediat sociale, në mënyrë të veçantë, gjithashtu ofron një rrugëdalje të rëndësishme për krijimtari dhe për të ngritur shpirtrat e njerëzve", shprehet ilustratorja Octavia Bromell, e njohur si @tinkoutsidethebox në “Instagram”, nga Dorset.
Ajo filloi të krijojë për të ndihmuar ankthin e saj dhe depresionin. Ilustrimet e saj të gjalla synonin të gjenin gëzimin në jetën e përditshme.
Tani me 14 000 ndjekës, ajo thotë se ka fituar një lidhje jetësore me njerëzit në të gjithë botën.
"Mendoj se më shumë njerëz po përjetojnë një formë shqetësimi që është shumë e njohur për mua. Me punët e mia nxitem të shpreh një pozitivitet që shpresoj se mund ta ndaj edhe me njerëzit tjerë gjithashtu", tha ajo. /BBC, Erina Çoku/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
