Lazio ka befasuar kampionët e Juventusit, duke triumfuar në Superkupën e Italisë. Një ndeshje e dominuar thuajse totalisht nga lacialët. Immobile ishte autor i dy golave për Lazion, ndaj një Juventusi inekzistent në fushën e lojës.
Edhe pse Lazio kishte shënuar dy herë, deri në minutën e 84, portieri Strakosha nuk ishte shqetësuar asnjëherë nga bardhezinjtë. Por në një goditje dënimi, i përhershmi Dybala shkurtoi diferencën. Në minutën e fundit të kohës së rregullt, Juventusi fiton një 11-metërsh dhe sërish argjentinasi mposht Strakoshën.
Megjithatë, ky takim nuk do të kishte shtesë prej 30 minutash, pasi Murgia shënoi golin e triumfit për Lazion, duke i siguruar bardhekaltërve trofeun e parë sezonal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
