10 772 debitorë nuk kanë shlyer ende detyrimet ndaj qeverisë në kuadër të garancisë sovrane. Edvin Prençe, kreu i Shoqatës “Proeksport Albania”, thotë se krijimi i një agjencie të posaçme për mbledhjen e detyrimeve të pashlyera duhet të pasohet me një analizë të thellë mbi shkaqet që kanë çuar në moslikujdimin e borxhit. “Një agjenci e tillë formon kuadrin e nevojshëm që duhet të ketë. Bizneset duhet ta kenë në krah. Shpresoj që kjo agjenci të bëjë një analizë të thelluar për çdo biznes dhe arsyet që e kanë kthyer në debitor”. Prençe shtoi se aktualisht mbi biznesin po rëndon rënia e euros. “Pas pandemisë pati një rimëkëmbje të shpejtë dhe të pritshme. Ajo që po ndodh në këtë periudhë është se kursi i këmbimit është i disfavorshëm. Shumë biznese janë kthyer në sektor jo shumë të konkurrueshëm në raport me vendet ballkanike. Humbja e konkurrueshmërisë çon në vështirësi të biznesve dhe mungesë të likuiditetit. Sektori ynë kanë aplikuar në garancinë sovrane”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
