Partia Demokratike e ka cilësuar shpërblimin e fundvitit prej 5 mijë lekësh për pensionistët si qesharak.
Eksperti i ekonomisë në PD, Dorjan Teliti është shprehur se qeveria shqiptare ofron ndihmën më të ulët në botë për qytetarët e saj, duke e konsideruar këtë shpërblim si lëmoshë.
Sipas Telitit, në këto 7 vite qeverisje, Rama i ka sjellë shqiptarëve vetëm rrënim ekonomik pasi kostoja e jetës rritet çdo ditë e më shumë.
“Pas 7 vite dështimesh, ajo që mund të ofrojë Rama gjithnjë e më shumë dështime” ka shkuar Teliti.
Teliti ka theksuar se në 2020-ën çmimet e ushqimeve janë rritur me 4.7%, rritje e cila sipas tij ka ulur ndjeshëm fuqinë blerëse për pensionistët.
Postimi i plotë i Dorjan Telitit
Rama, një histori 7-vjeçare dështimesh e premtimesh të rreme. Në rradhë e të dëshpëruar, 670 mijë pensionistë shqiptarë të mbetur në mëshirë të një shpërblimi qesharak prej 50 mijë lekësh.
Të patrajtuar financiarisht dhe të harruar nga qeveria e klientelës, pensionistët janë të detyruar të presin lëmoshën e qeverisë. Shqipëria ofron ndihmën më të vogël ekonomike për qytetarët e saj – më pak se çdo vend i botës.
Për 7 vite, Rama u ka sjellë shqiptarëve vetëm rrënim ekonomik, rritje të kostos së jetesës, shtim të papunësisë dhe rrënim të sistemit shëndetësor. Kosto e jetesës po rritet çdo ditë. Këtë vit çmimet e ushqimeve janë rritur me 4.7%, duke shkaktuar një humbje të fuqisë blerëse të pensionistëve prej rreth 100 mijë lekësh të vjetra. Pensionistët e shohin këtë shtrenjtim të jetesës kudo, në supermarkete, dyqane ushqimore, në farmaci.
Kjo është e turpshme! Boll më me Ramën!
Gjëja e fundit që i intereson atij dhe qeverisë së tij jemi ne qytetarët e Shqipërisë. Pas 7 vite dështimesh, ajo që mund të ofrojë Rama gjithnjë e më shumë dështime. Është koha për ndryshim. Ndryshim për pensionistët, të rinjtë e të rejat, bizneset, ata që kanë humbur vendin e punës dhe ata që mezi po e mbajnë punën. Ndryshim për të gjithë shqiptarët që duan një jetë më të mirë.
Është koha që më #25prill të nisim një kapitull të ri të udhëtimit tonë të përbashkët!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
