Dy byzylykë diamanti të zotëruara dikur nga mbretëresha e Francës, Marie Antoinette, janë shitur në ankand në Zvicër për më shumë se 8 milionë dollarë. Ato u blenë nga një ofertues anonim telefonik.
Marie Antoinette i dërgoi bizhuteritë për ruajtje përpara se të vihej në gijotinë gjatë revolucionit francez.
Të dy byzylykët u kontrabanduan jashtë vendit dhe qëndruan në familjen e saj për më shumë se 200 vjet. Ata u shitën për më shumë se dyfishin se sa pritej.
"Këto byzylykë udhëtuan nëpër kohë për të rrëfyer një epokë më të rëndësishme të historisë franceze, me shkëlqimin, lavdinë dhe dramën e saj," tha Francois Curiel, kryetar për Evropën për shtëpinë e ankandeve Christie.
Marie Antoinette lindi në Austri në 1755 dhe u dërgua në Francë për të qenë nusja fëmijë e mbretit të ardhshëm Louis XVI.
Ajo vdiq në gijotinë në 1793, disa muaj pas bashkëshortit të saj, duke u bërë gjithnjë e më e papëlqyeshme në mesin e popullit francez, i cili e akuzoi atë si shpërdoruese dhe një ndikim të rrezikshëm mbi mbretin.
Ndërsa ishte në burg ajo dërgoi një letër ku thuhej se një sënduk prej druri me bizhuteritë do të dërgohej për ruajtje.
Vajza e saj e mbijetuar Marie Therese, Madame Royale, mori bizhuteritë me mbërritjen e saj në Austri, tha shtëpia e ankandit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
