‘Listat e PD për zgjedhje mund të ishte më e mirë’, kështu ka deklaruar ish-presidenti Nishani në studion e emisionit ‘FAKT’ të gazetarit Çim Peka.
Nishani tha se në PD, ka njerëz shumë cilësorë të cilët meritonin të ishin pjesë e listave, dhe mund të sillnin më shumë vota për Partinë Demokratike.
‘Unë e kam ndjekur me shumë interes intervistën e zotit Berisha, dhe ka shumë arsye për ta ndjekur me shumë interes.
Por edhe zoti Basha e ka pranuar që lista mund të ishte më e mirë. Dhe unë mendoj që lista mund të ishte dhe më e mirë’, deklaroi Nishani.
Ish-presidenti ka komentuar edhe dorëheqjen e Visho Ajazit nga posti i kreut të SHISH.
Nishani theksoi se dorëheqja është një vendim personal, ndërsa theksoi se Ajazi ka pasur edhe presion të vazhdueshëm dhe shantazhe nga ana e mazhorancës.
Kam pasur disa akte publike të sulmit politik që vinin nga parlamenti nga mazhoranca, për ta larguar nga shërbimi duke përhapur të pavërteta ‘fake informacione’. Kjo bëhej gjithmonë në formë presioni që të largohej kryetari i SHISH. Kam parë në disa raste vlerësime shumë të mëdha edhe për vetë zotin Ajazi nga partnerët tanë.
Për mua ishte e papritur. Sepse unë mendoja që SHISH të vazhdonte punën e konsoliduar’, tha Nishani.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
