Ndryshimet në Kodin Zgjedhor, Rama: Meta nuk mund të vërë në diskutim vullnetin e Parlamentit

Maxhoranca nuk ka ndërmend të tërhiqet nga ndryshimet e Kodit Zgjedhor.

I kthyer nga presidenti pak ditë më parë, Kodi i ri Zgjedhor do të votohet seancën e radhës pa asnjë ndryshim.

Kryeministri Rama tha sot se askush nuk mund ta vërë në diskutim vullnetin e parlamentit, aq më pak Presidenti Ilir Meta.

“Votojmë sa më shpejt kur caktohet seanca e votimit pa asnjë ndryshim pikë dhe presje. Pa asnjë ndryshim pikë dhe presje do votojmë kodin siç është votuar nga Parlamenti me një shumicë që është kuptimplotë dhe askush nuk mund ta vërë në diskutim vullnetin e Parlamentit dhe aq më pak Ilir Meta”, deklaroi Rama.