Penguan policinë për kryerjen e detyrës, arrestohen dy vëllezërit në Sarandë

Dy persona janë arrestuar në Sarandë pasi kanë kundërshtuar dhe penguar policinë në kryerjen e detyrës.

Burimet zyrtare bëjnë me dije se në pranga kanë rënë shtetasit G. P., 43 vjeç dhe N. P., 35 vjeç, të dy banues në Sarandë.

“Gjatë shoqërimit të shtetasit G. P., i cili ishte shpallur në kërkim policor pasi ka goditur punonjësit e një shoqërie private për sigurinë, në Kakome, shërbimet e Policisë janë kundërshtuar dhe janë penguar për kryerjen e detyrës, nga 43-vjeçari dhe nga vëllai i tij, shtetasi N. P.”