Në studion e emisionit “Të Paekspozuarit”, gazetari Neritan Sejamini tha se në vitit ’90, shqiptarët nuk e kuptuan çfarë është në të vërtetë demokracia. Sejamini tha se pas rrëzimit të sistemit komunist nuk pati asnjë moment reflektimi, çka u pasqyrua në varfëri shpirtërore dhe idesh.
Në vitet ’90, ne kërkonim mirëqenie, zhvillim, liri. Por koncepti ynë për lirinë ishte Coca-Cola, xhinset dhe çamçakëzi. Në momentin që u hapëm, ne patën xhinset, çamçakëzin dhe kanaçet, por ngelëm pa ide. Nuk kërkuam asgjë tjetër. Këtu kemi mbetur.
Nga ana shpirtërore dhe e ideve, ne nuk kemi arritur asgjë. Por ama kemi xhinset, Coca-Colën dhe çamçakëzin.
Ne mendojmë se po të shkarkosh një autokrat, automatikisht fillon rruga drejt demokracisë. Në fakt, kjo rrugë duhet ndërtuar. Ti duhet të punosh. Ne në ’90-n nuk reflektuam asnjë ditë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
