Shkon në tre numri i viktimave në Klos. Policia bën të ditur se autori, pasi ka qëlluar me armë kushëririn e tij të parë dhe djalin e këtij të fundit, ka vrarë veten.
Informacioni paraprak nga Policia e Klosit:
“Me datë 01.10.2019, rreth orës 14.24, në fshatin Xibër, Bashkia Klos, në rrethana ende të paqarta shtetasi S.D, ka vrarë me armë zjarri pistoletë kushëririn e parë, shtetasin K.D dhe djalin e këtij të fundit shtetasin F.D dhe më pas shtetasi S.D ka vrarë veten.
Grupi hetimor ka shkuar në vendngjarje dhe po punon për zbardhjen e plotë të ngjarjes”.
Vëllavrasje për motive pronësie në Klos
Një tjetër krim i rëndë ka tronditur sot vendin. Dy vëllezër janë zënë me njëri tjetrin në Xibër të Matit.
Si pasojë e ngjarjes, njëri nga vëllezërit ka qëlluar me armë zjarri vëllanë e tij, të cilin e ka lënë të vdekur në vend.
Dyshohet edhe për persona të tjerë të plagosur.
Krimi, besohet të ketë ndodhur për motive pronësie.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
