Peshkaqenët, pickimet e kandil deti, stuhitë tropikale, problemet e lundrimit dhe rraskapitja fizike janë llojet e çështjeve që për fat të mirë nuk e shqetësojnë njeriun gjatë një dite standarde në zyrë.
Megjithatë, për atleten e pensionuar Diana Nyad, këto ishin pikërisht sfidat me të cilat u përball gjatë disa përpjekjeve që bëri, në fillim të të 60-ave, për t'u bërë personi i parë që notoi 110 milje nga Kuba në Florida pa përdorimin e një kafazi mbrojtës.
Pikërisht këtë Netflix e ka sjellë në një film dokumentar ku tregon historinë e notares së maratonës Diana Nyad, e cila, në moshën 60-vjeçare dhe me ndihmën e shoqes dhe trajnerit të saj më të mirë, angazhohet për të arritur ëndrrën e saj të përjetshme: një notim 110 miljesh në oqean të hapur nga Kuba në Florida.
Filmi përshkruhet si një 'histori e vërtetë e jashtëzakonshme e këmbënguljes, miqësisë dhe triumfit të shpirtit njerëzor' dhe rrëfen një kapitull tërheqës në jetën e atletes së klasit botëror Diana Nyad.
Tre dekada pasi hoqi dorë nga noti maratonë në këmbim të një karriere të spikatur si gazetare sportive, në moshën 60-vjeçare, Diana (Bening) bëhet e fiksuar pas përfundimit të një noti epik që i ka shpëtuar gjithmonë: udhëtimi 110 milje nga Kuba në Florida, referuar si "Mali Everest" i notit.
‘Historia e jetës së Diana Nyad, një notare maratonë, e cila, në moshën 64 vjeçare, u bë personi i parë që përfundoi "Everestin e noteve"… duke ekzekutuar një not 53-orëshe, 110 milje nga Kuba në Florida, përmes oqeanit të hapur të rrezikshëm, pa kafaz peshkaqeni.
"Nyad" do të ketë një shfaqje të kufizuar teatrale më 20 tetor përpara se të shfaqet në Netflix globalisht më 3 nëntor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
