Grupi që ka në pronësi markën e luksit Louis Vuitton, LVMH, ka pranuar të blejë Tiffany për 16.2 miliardë dollarë, blerja më e madhe që ka kryer në historinë e saj. Prodhuesi francez i mallrave luksoze synon të rikthejë shkëlqimin e argjendarisë amerikane duke investuar në dyqane dhe koleksione të reja.
Blerja do të rrisë sektorin e argjendarisë së LVMH-së, pjesë e të cilës janë Bulgari dhe Tag Heuer, do ta ndihmojë atë të zgjerohet në një nga sektorët më të shpejtë në rritje të industrisë dhe të rritë praninë e tij në tregun amerikan.
LVMH do të përballet me sfida, pasi skema e blerjeve ka pësuar ndryshime dhe blerësit kinezë tërhiqen nga Shtetet e Bashkuara për të blerë më shumë produkte në vend, një nga efektet anësore të luftës tregtare Pekin-Uashington, që ka rënduar “Tiffany”.
Megjithatë, marka me qendër në Nju-Jork, e themeluar në vitin 1837 dhe e njohur për kutitë e saj blu, vijon të mbetet simboli i unazave të fejesës dhe vetëm një pjesë e vogël e rivalëve mund të krahasohen me të, siç është Cartier në pronësi të Richemont.
"Është një ikonë amerikane, e cila tani do të bëhet edhe franceze", tha shefi ekzekutiv i LVMH, Arnault, në një intervistë për Reuters.
Blerja kurorëzon një seri blerjesh përmes të cilave Arnault, njeriu më i pasur i Francës, ka ndërtuar konglomeratin e tij, duke përfshirë markat e modës si Christian Dior, kantinat dhe shitësit me pakicë të bukurisë si Sephora.
Jo të gjitha markat në pronësinë e grupit janë fitimprurëse njësoj - grupi po përpiqet të rigjallërojë markën e tij, Marc Jacobs - por Arnault përmendi blerjen e “Bulgari” në vitin 2011 si model për Tiffany.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
