Aksident me pasojë një të vdekur dhe katër të plagosur është regjistruar mëngjesin e kësaj të diele në aksin Vlorë- Llogara, ku një furgon që transportonte punonjës ndërtimi ka dalë nga rruga dhe është përplasur me një bordurë betoni.
Sipas të dhënave paraprake, mjeti drejtohej nga 22-vjeçari Sako Rexha dhe ishte në lëvizje drejt vendit të punës në momentin e aksidentit. Përplasja ka qenë e fortë, duke shkaktuar dëmtime të rënda në furgon.
Për nxjerrjen e të plagosurve, të cilët kishin mbetur të bllokuar mes pjesëve të deformuara të mjetit, u desh ndërhyrja e forcave zjarrfikëse, të cilat prenë pjesë të karrocerisë dhe sediljeve.
Si pasojë e aksidentit ka humbur jetën 52-vjeçari Ilir Haka. Ndërkohë, të plagosur kanë mbetur drejtuesi i mjetit, Sako Rexha, 22 vjeç, si dhe Saimir Haka, 22 vjeç, Qazim Haka, 44 vjeç, dhe dy persona të tjerë. Të lënduarit janë transportuar në Spitalin Rajonal për të marrë ndihmën e nevojshme mjekësore.
Në vendngjarje ndodhet grupi hetimor, i cili po kryen veprimet procedurale dhe po punon për të zbardhur rrethanat dhe shkaqet e aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
