Pediatri Massimo Capitoli, ka studiuar gjithmonë sjelljen e adoleshentëve. Urgjenca e Covid-19 është gjithashtu një periudhë që ai poe analizon. Epidemia ka ndryshuar sjelljet e adoleshentëve, zakonet e tyre tashmë që janë të mbyllur në shtëpi prej më shumë se një muaji.
Ato tashmë qëndrojnë më shumë të mbyllur në dhomën e tyre duke dëgjuar muzikë me kufje, në të shumtën e rasteve me volum të lartë, çka mund të shkaktojë probleme me dëgjimin. Përdorimi i tepruar i kufjeve me muzikë të lartë gjithashtu rrit rrezikun për dhimbje koke, probleme të përqendrimit, pagjumësi dhe çrregullime të humorit, deri në depresion.
Një rrezik i lartë për shumë adoleshentë është sindroma Hikikomori (rrezikojnë të mbyllen në vetvete dhe të mos përfshihen në shoqëri). "Një studim tregoi se adoleshentët prekin telefonin e tyre më shumë se 2600 herë në ditë, që i bie më shumë se një herë në minutë, pasi dita është e përbërë nga 1440 minuta. Ne gjithashtu konsiderojmë që ekspozimi i vazhdueshëm ndaj rrezatimit elektromagnetik që emetojnë smartfonët, tabletët dhe pajisjet e tjera, është përgjegjës jo vetëm për një rritje të temperaturës së trurit, i cili është veçanërisht i dëmshëm pasi është mosha më e ulët, por edhe për efektet e mundshme kancerogjene. ", shpjegon pediatri Capitoli.
Karantina ende nuk ka mbaruar ndaj duhet kujdes dhe të lihen mënjëanë telefonat në një pjesë të ditës, duke u angazhuar me aktivitete rekreative, thonë ekspertët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
