Identity Credential është shërbimi që do të nxjerrë jashtë loje dy prej dokumenteve që mbajmë gjithmonë me vete.
Qualcomm dhe Google kanë prezantuar projektin, falë të cilit karta e identitetit dhe patenta bëhen elektronike. Ato do të kenë të njëjtën vlerë që kanë simotrat e tyre fizike, por smartfonët duhet të kenë teknologjinë 5G, në mënyrë që t’i suportojnë. Vendimin për përdorimin e kësaj risie duhet ta marrë qeveria e çdo vendi.
Shërbimi i ri do të jetë i disponueshëm me futjen në përdorim të Android R, sistemi i ri operativ që do të prezantohet vitin e ardhshëm.
Në këtë mënyrë, mundësia e përdorimit të smartfonëve si dokument identifikimi apo si patentë, në aeroporte apo në çdo rast kur kërkohet, pritet të jetë një opsion i destinuar vetëm për disa.
Megjithatë, “brenda vitit të ardhshëm parashikojmë se do të jenë të paktën 2 milionë abonentë në planet e reja tarifore për të shkuar në 2.8 miliardë njerëz të lidhur në teknologjinë 5G brenda 2025-s”, thotë Cristiano Amon, menaxheri i Qualcomm.
Në këtë mënyrë, njerëzit mund të çlirohen nga portofoli. Pas kalimit të pagesave online apo përmes smartfonëve, atyre nuk do t’u duhen as karta identiteti dhe patenta, çka e nxjerr jashtë funksionit portofolin që të gjithë sot mbajmë me vete. / Corriere della Sera /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
