PD sot në orët e pasdites zyrtarizon kandidatët e saj për zgjedhjet e pjesshme vendore, ndërkohë “Shtëpia e Lirisë” i është drejtuar KQZ, për t’u regjistruar si koalicion në zgjedhje me emrin Partia Demokratike-Komisioni I Rithemelimit.
Lidhur me ketë deputetja e PD-së, Oriola Pampuri, thotë për edicionin e lajmeve në “MCN tv” se kandidatët zyrtarë të PD-së, janë figura përfaqësuese të komuniteteve të të gjashtë bashkive.
Sipas Pampurit, kjo ndarje mes demokratëve është në favor të Ramës.
“Ajo që dua të them është se ne nisem një betejë për këto zgjedhje edhe pse erdhi krejt papritur dhe në një moment që i shërbente dikujt që e nxori si gurë shahu nga xhepi për të luajtur, por besoj se në çdo hap që hedhim, është një kundërshtar politik, ai është Edi Rama, dhe ne me atë merremi gjithë kohës, mazhoranca është ajo me të cilën bëjmë opozitë. Besoj se gjithkush e kupton që thirrja është bërë për një arsye të vetme dhe është nën favor të interesave të qytetarëve dhe kur vëmendja shpërqendrohet në këto grupime, atëherë kjo do ti jepet në favor të Ramës. Rama duket sikur ky grupim i erdhi si ta kishte porositur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
