Në fjalorin shqip fjala “iftar”, përshkruhet si darkë që hanë myslimanët pas agjërimit të ditës në kohën e ramazanit. Zakonisht ky vakt ofrohet për agjëruesit nga bamirësit. Por ndryshe po ndodh këtë Ramazan, ku duket se vendin e bamirësit e kanë zënë politikanët.
Emisioni Xhadat do të sjell sot rastin e dy institucioneve të cilat po bëjnë tender për këtë qëllim.
Bashkia e Hasit ka organizuar tenderin me objekt “Shtrim darke për Iftar, Qyteti Krumë”. Ftesa për ofertë mban firmën e titullarit, kryetarit të Bashkisë Has Liman Morina.
Sipas të dhënave që gjenden në dokumentat e tenderit darka e iftarit e cila do të shtrohet në një restorant në Krumë, do të ketë 250 të ftuar.
Në menunë e iftarit përfshihet gjelle me mish, sallatë e përzier, pilaf, ëmbëlsira dhe fruta, pije, pije freskuese dhe ujë .
Nuk dihet arsyeja se përse në menu krahas pijeve freskuese janë shënuar dhe pije, kur në darkë iftari nuk lejohen pije të tjera . Pijet alkolike në këto raste janë të ndaluara.
Edhe Bashkia Lushnje, “Qendra kulturore dhe klubi i sporteve” ka shpallur tenderin me objekt Organizimi i Iftarit për Natën e Kadrit për 230 persona
Pjata e pare: Sallatra te ndryshme domate, perime te zgares , te zjera , djathra etj . Pjata e dyte : Supe me mish (ku specifikohet mish vici) .Pjata e trete Mish jani. Pjata e katert : Rizoto me bërxollë vici Ushqime te tjera : byrek , revani , hallva, fruta te ndryshme , ujë , cola me gaz , ujë pa gaz , buke , brusketa etj .
Në kriteret e vendosura për përzgjedhjen e restorantit, thuhet se subjekti krahas kapacitetit për 230 persona duhet të ketë hapësira edhe për faljen e Namazit të darkës me rastin e Natës së Kadrit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
