Kryetari i Lëvizjes Vetëvendosje, Albin Kurti, ka thënë pas takimit të sotmëm më Josep Borrellin, Përfaqësuesin e Lartë të Bashkimit Evropian, se ka ka shprehur qëndrimin se dialogu me Serbinë duhet të rishikohet dhe të rinisë.
“Diskutim i frytshëm sot me Përfaqësuesin e Lartë të BE-së, Josep Borrell në vizitën e tij të parë në Kosovë. Theksova se dialogu i lehtësuar nga BE-ja duhet të rishikohet dhe të rinisë. Bashkimi Evropian është një fuqi për të mirë dhe mbetet i domosdoshëm për të ardhmen e rajonit”, ka shkruar Kurti në Twitter pas takimit të përfaqësuesve të partive në Kosovë me Borrellin.
Në vizitën e parë në Kosovë, Borrell theksoi se çelësi i suksesit në dialogun Kosovë – Serbi është në duart e të dy vendeve për të gjetur pajtimin. Ai po ashtu tha se BE-ja pret formimin sa më të shpejtë të qeverisë së re të Kosovës.
Nga zyra për media e Vetëvendosjes, për TvT, i kanë qëndruar kësaj deklarate, ndërkohë që pos kësaj, sipas tyre, nuk ka pasur një takim të veçantë Borrell-Kurti.
Kurti më vonë gjatë ditës së sotme pritet të takohet me përfaqësues të minoriteteve, përfshirë ata të minoritetit serb.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
