Izraelitët dolën në rrugë pa maska për herë të parë në një vit, të dielën, pas lehtësimit të kufizimeve të sigurisë COVID-19.
Qeveria ka zbutur rregullin për mbajtjen e maskave në përgjigje të vaksinimit masiv të suksesshëm, ku deri më tani 5.34 milionë njerëz kanë marrë dozën e parë të vaksinës.
Në tërësi, 61.7% e 9.3 milionë qytetarëve të Izraelit tani kanë bërë një dozë të parë të vaksinës, dhe 57.4% janë vaksinuar plotësisht.
Vendi gjithashtu ka rihapur plotësisht të gjitha shkollat dhe universitetet. Të shtunën, disa izraelitë folën për mediat në lidhje me përvojën "e çuditshme" por të mirëpritur të të qenit në gjendje të heqin maskat në publik.
"T’i mbash njerëzit të sigurt është gjithashtu një formë lirie. Por është mirë të mos kesh më diçka në fytyrë”, tha një qytetare.
"Unë do të martohem për dy javë dhe është shumë bukur të jem në gjendje të festoj me të gjithë. Pa një maskë, fotografitë do të jenë të shkëlqyera", tha dikush tjetër.
Cari i koronavirusit të Izraelit, Nachman Ash, tha për median se heqja e kërkesës për mbajtjen e maskës është një “rrezik i llogaritur”.
Burimi: Euronews.com
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
