Opozita kthehet sot sërish në protestë para Kryeministrisë prej orës 18:30.
Vendimi për mbajtjen e protestës së pestë kombëtare, erdhi pas një mbledhje urgjente të mbajtur nga strukturat drejtuese të PD-së dhe aleatët mesnatën e të shtunës.
Në protestat e fundit dhuna ka qenë e pranishme dhe ka detyruar punonjësit e kryeminitrisë që të mbyllin me llamarina hekuri dhe dyert dhe dritaret në pjesën ballore të saj.
Kreu i PD, Lulzim Basha ka publikuar një videomesazh mbrëmë ku i bën thirrje qytetarëve ti bashkohen protestës së sotme në orën 18:30.
Asnjë hap pas, shkruan Basha, ndërsa në mesazh thuhet se shpresa është ndezur.
“Asgjë nuk i ndal shqiptarët që luftojnë për liri, për standardet evropiane. Shpresa është ndezur! Pushteti i krimit nuk e fik dot më, sot jemi më të fortë se kurrë. Asnjë hap pas kundër krimit kundër dhunës për Shqipërinë si gjithë Evropa”, thuhet në videomesazhin e publikuar nga Basha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
