Kryeministrja daneze Mette Frederiksen do të takojë sot liderët kryesorë në mbarë Evropën, në atë që shihet si një përpjekje për ta shpëtuar Groenlandën nga “kthetrat” e Donald Trump.
Presidenti i sapo inauguruar i SHBA-së është fiksuar gjithnjë e më shumë te ishulli arktik dhe nuk ka përjashtuar qartë përdorimin e forcës ushtarake ose detyrimit ekonomik për ta marrë atë nga Danimarka.
Frederiksen do të takohet me kancelarin gjerman Olaf Scholz në Berlin, Presidentin francez Emmanuel Macron në Paris dhe Sekretarin e Përgjithshëm të NATO-s Mark Rutte në Bruksel, gjatë një dite të “stuhishme” të diplomacisë ndërkombëtare, ndërsa Trump kërcënon të përmbysë arkitekturën e sigurisë.
"Danimarka është një vend i vogël me aleanca të forta. Dhe pjesë e një komuniteti të fortë evropian, ku së bashku mund të trajtojmë sfidat me të cilat përballemi”, u shpreh sot Frederiksen.
Javën e kaluar “Financial Times” raportoi se Frederiksen dhe Trump kishin shkëmbyer një telefonatë 45-minutëshe me tone të ashpra për Groenlandën, e cila ka qenë një territor danez që nga viti 1953.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
