Instagram i shpall luftë bullizmit kibernitik. Kompania ka njoftuar aplikimin e një funksioni të ri për të mbajtur larg ngacmuesit. Opsioni i emërtuar “Restrict” (Kufizo) lejon që viktimat të errësojnë mesazhet ngacmuesit pa u informuar dhe do të testohet së shpejti.
Kur përdoruesit vendosin të "kufizojnë" një dhunues, komentet e postimet e tyre bëhen të errëta, duke rezultuar të lexueshme vetëm prej tyre. Sidoqoftë, përdoruesit mund t'i bëjnë të dukshme, në një kohë tjetër, nëse e shohin të arsyeshme.
Në mediat sociale tashmë është e mundur të bllokohen ngacmimet. Megjithatë, kreu i Instagramit, Adam Mosseri thotë se "të rinjtë ngurrojnë të bllokojnë ose të raportojnë persekutuesin e tyre, sepse kjo mund të përkeqësojë situatën, veçanërisht nëse ata ndërveprojnë me ta në jetën reale".
Përveç kësaj, Instagram-i prej disa ditësh ka eksperimentuar një funksion të ri të bazuar në inteligjencën artificiale, i cili i paralajmëron përdoruesit nëse komentet që janë gati të publikojnë mund të jenë ofenduese. Në praktikë, njerëzve u jepet mundësia të mendohen mirë përpara se të postojnë një mesazh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
