Një krim i përbindshëm është regjistruar dje në Itali. Një nënë 41-vjeçare ka detyruar dy vajzat e saj të pinë detergjent që përdoret për pastrimin e tualetit dhe më pas i ka shtrënguar për t’i mbytur.
Giuseppa Savatta pasi ka vrarë dy vajzat e saj, 9 dhe 7 vjeçe, ka tentuar të vrasë edhe veten.
E njohur në shoqëri si një grua model, ajo i ka shokuar banorët e zonës ku jetonte. Psikologu që po merret me rastin thotë se ajo mund të ketë personalitet bipolar.
Pasi ka vrarë të bijat, ajo ka tentuar të vetëvaret në tubin e dushit, por kur nuk ia ka dalë, ka tentuar të hidhet nga ballkoni. Në këtë moment në shtëpi ka mbërritur i shoqi, i cili e ka ndaluar.
Burri po merret në pyetje në lidhje me marrëdhëniet që kishte me gruan. Ai ka thënë se e kishte kërcënuar se do ta linte, po nuk kishte ndërmend ta bënte. Ndërsa e shoqja i kishte thënë se do t’i vriste vajzat për t’u kursyer vuajtjet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
