“Selita” u kodua një operacion i policisë së Tiranës, i finalizuar nga forcat “Shqiponja” dhe efektivët e komisariatit Nr.2, duke vënë në pranga dy persona që lëviznin me armë në makinë.
Bazuar në informacionet e siguruara në rrugë operative se në afërsi të rrethit të Selitës, në një automjet, qarkullonin persona të armatosur, uniformat blu organizuan punën dhe finalizuan operacionin, duke vënë në pranga në kushtet e flagrancës R. H., 36 vjeç dhe A. B., 42 vjeç.
Në afërsi të rrethit të Selitës, shërbimet e policisë kanë ndaluar automjetin me drejtues shtetasin R. H., dhe pasagjer shtetasin A. B.
Gjatë kontrollit të automjetit, shërbimet e Policisë gjetën 2 armë zjarri pistoleta, të cilat u sekuestruan në cilësinë e provës materiale, së bashku me 7 aparate celulare.
Lidhur me këtë rast materialet i kaluan Prokurorisë, për veprime të mëtejshme procedurale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
