Një skaf me vlerë 150 mijë euro është sekuestruar nga policia e Vlorës në kuadër të zbatimit të planit operacional “Vjeshtë 2017”, me qëllim sekustrimin e aseteve të ndryshme të cilat rezultojnë të përfituara në mënyrë të paligjshme. Ditën e djeshme, specialistët e Seksionit për Krimin Ekonomik e Financiar në Drejtorinë Vendore të Policisë Vlorë kanë bërë të mundur sekuestrimin e një mjeti lundrues tip gomone me vlerë 150 000 euro.
“Mjeti lundrues i përket shtetasit A.Ç., 29 vjeç, banues në Elbasan, i cili dyshohet për kryerjen e veprës penale ''Pastrimi i produkteve të veprës penale ose veprimtarisë kriminale'', parashikuar nga neni 287 i Kodit Penal”, bën të ditur policia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
