Një 40-vjeçar shqiptar është plagosur në një atentat me armë zjarri në Itali. Mediat italiane raportojnë se ngjarja ka ndodhur jashtë shtëpisë së tij në Quarto d’Asti.
Shqiptari, identiteti i të cilit ende nuk bëhet i ditur është plagosur me dy plumba, nga dy persona ende të paidentifikuar, të cilët u larguan menjëherë pas ngjarjes.
40-vjeçari, i plagosur është jashtë rrezikut për jetën. Ai u dërgua në spitalin Cardinal Massaia nga një i afërm.
Ngjarja është nën hetim nga karabinierët e Astit. Një nga pistat ku po hetohet është edhe ajo e larjes së hesapeve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
