Reporteri në qytetin e Lezhës, Elvis Hila, është dhunuar pasditen e së mërkurës nga dy persona të cilët janë shpallur në kërkim nga policia.
Mësohet se gazetari është dhunuar për shkak të detyrës, ndërsa pre e dhunës ka rënë edhe bashkëshortja e tij, shtetasja B. H.,
Pas ngjarjes, Hila ka marrë mjekim në Spitalin e Lezhës dhe më pas ka kryer një kallëzim në Polici për ngjarjen e ndodhur.
Sipas informacioneve, mësohet se ngjarja ka ndodhur pas një lajmi të raportuar nga 32-vjeçari, ku një person ishte dënuar nga Gjykata e Lezhës me 1 vit burg për falsifikim dokumentesh.
Njoftimi i policisë:
Goditen për shkak të detyrës një gazetar, shpallen në kërkim autorët e dyshuar.
Specialistët për Hetimin e Krimeve në Komisariatin e Policisë Lezhë shpallën në kërkim shtetasit I.(E). A. 35 vjeç, banues në Pllanë dhe P. L. 32 vjeç, banues në Manati.
Këta shtetas, rreth orës 16:40, në qytet Lezhë, i kanë dalë përpara shtetasit E.H., 32 vjeç, banues në Lezhë, me profesion gazetar, si dhe e kanë dhunuar fizikisht bashkë me bashkëshorten e tij shtetasen B. H., e cila në ato momente ka ndërhyrë.
Nga veprimet e para hetimore të kryera, dyshohet se, këta shtetas e kanë dhunuar fizikisht gazetarin për shkak të detyrës.
Shërbimet e Policisë vijojnë kontrollet intensive për lokalizimin dhe kapjen e tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
