Bashkimi Evropian ra dakord të hënën të godasë Rusinë me një raund të ri sanksionesh që përfshin ndalimin e diamanteve, një rrjedhë e vlefshme të ardhurash për Kremlinin që deri më tani ka mbetur e paprekur.
Duke filluar nga 1 janari, 27 shtetet anëtare të bllokut nuk do të lejohen më të blejnë diamante natyrale dhe sintetike, si dhe bizhuteri diamanti, që vijnë direkt nga Rusia, përveç nëse këto janë të destinuara për qëllime industriale.
Që nga 1 marsi, ndalimi i importit do të fillojë të mbulojë diamante dhe bizhuteri me origjinë ruse që janë prerë dhe lustruar në vende të tjera. Dhe deri më 1 shtator, ai do të zgjerohet në diamante të krijuar në laborator dhe orët që përmbajnë diamante.
Belgjika, pika kryesore e hyrjes për diamantet ruse, do të përdorë një sistem gjurmueshmërie të bazuar në blockchain për të identifikuar dhe verifikuar origjinën e diamanteve të importuara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
