Presidenti Ilir Meta apelon për një protestë paqësore.
Në një deklaratë të shpërndarë për mediat pak para nisjes së protestës së nëntë kombëtare të opozitës, kreu i shtetit u kërkon protestuesve të vetëpërmbahen e të përqendrohen në kauzën për zgjedhje të lira dhe të ndershme.
Meta shprehet se zgjidhja e krizës mund të vijë vetëm përmes dialogut dhe bashkëpunimit.
“Presidenti i Republikës Sh.T.Z Ilir Meta çmon se e drejta për të protestuar është e drejtë themelore dhe jetike për demokracinë. Presidenti Meta thekson rëndësinë që protesta e sotme e Opozitës së Bashkuar të jetë tërësisht paqësore, larg çdo akti dhune, si dhe u bën thirrje protestuesve të vetëpërmbahen dhe të përqendrohen në kauzën për zgjedhje të lira dhe të ndershme. Presidenti i Republikës beson se zgjidhja e krizës do të vijë vetëm përmes dialogut dhe bashkëpunimit, dhe se ai do të vazhdojë pandërprerë përpjekjet e tij në këtë drejtim”, thuhet në deklaratën e presidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
