Senati Akademik i Universitetit të Tiranës ka miratuar rritjen me 8 për qind të pagave të pedagogëve, duke plotwsuar kësisoj rritjen me 15 për qind që u miratua nga Qeveria shqiptare.
Nga ky 15 për qindësh, shtatë për qind do të sigurohej nga buxheti i shtetit dhe pjesa tjetër nga vetë universitetet.
Kështu, Universiteti i Tiranës është bërë i dytë institucion i arsimit të lartë që ka marrë vendimin, pas atij të Mjekësisë.
Ky vendim pritet të hyjë në fuqi dhe të merret miratimi nga Bordi i Administrimit të Universitetit të Tiranës.
Por kjo nuk është ajo që prisnin pedagogët.
Sot kreu i Sindikatës së Pedagogëve, Sandër Kovaçi, tha se të mërkurën në orën 16:00 pedagogët do të nisin grevën e urisë.
Pedagogët nga disa prej universiteteve publike në vend kanë paralajmëruar grevë urie, pasi deri tani Qeveria nuk i ka plotësuar kërkesat e tyre.
Ata kërkojnë rritje 50 për qind të pagave bazë sipas titujve shkencorë në dy faza.
Qeveria vendosi rritjen me 15% të pagave të pedagogëve. Sipas vendimit të Këshillit të Ministrave, 7% të rritjes e mbulon buxheti i shtetit, ndërsa 8% vetë universitetet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
