Ish-kreu i KQZ-së, Kristaq Kume, e sheh të domosdoshëm ndryshimin e sistemit zgjedhor. Në studion e lajmeve të MCN TV, Kume tha se sistemi ka nevojë të përmirësohet, në mënyrë që vota e të gjithë qytetarëve të vlejë njësoj. Kume solli rastin e LSI-së, e cila me numrin e votave që mori në zgjedhjet e fundit duhej të kishte 9 mandate në Parlament.
I gjithë vendi mund të ndahet në dy ZZ dhe një e tretë për ata që votojnë jashtë vendit. Për mua duhet të ndryshohet sistemi. Është e nevojshme. Dhe për më tepër do të jetë edhe një mbajtje fjale nga klasa politike. Në qershor 2020, kur u përfundua marrëveshja, partitë politike deklaruan se këtu nuk përfundoi puna jonë. Mund të gjejmë një sistem më të mirë që nuk krijon hapësira për t’u keqpërdorur dhe për të marrë mandate në tavolinë. Ky sistem bëri që vota e 105 mijë qytetarëve që votuan për LSI të mos përdorej si vota e qytetarëve të tjerë. Këto 105 mijë vota do të konvertoheshin në 9 mandate, pra janë 5 mandate të humbura. Ka sisteme dhe ne kemi të provuara të tilla si sistemi maxhoritar me një komponentë proporcionale. Kemi edhe të tjera sisteme të provuara siç ishte ai proporcional i korrektuar me maxhoritar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
