Konfiskimi më i madh i parave ka ndodhur nga policia braziliane. Të martën autoritet e policisë kanë gjetur një sasi të madhe parash të fshehura në një apartament që dyshohet se përdorej nga një prej anëtarëve të mëparshëm të kabinetit të presidentit Mishel Temer.
Policia tha se apartamenti në Salvador, dyshohet se përdorej nga Geddel Vieira Lima, një aleat i presidentit Temer dhe më herët ndërlidhës i lartë në Kongres.
Vieira Lima dha dorëheqjen vitin e kaluar pas akuzave për influencë.
Në një fotografi e publikur nga mediat vendase gjatë operacionit të quajtur “Lost Treasure”, tregoi valixhet dhe kutitë e kartonit të mbushura me kartëmonedha 100-reale dhe 50-reale, dy emetimet më të mëdha të kartëmonedhës në Brazil.
Ata gjithashtu gjetën një qese të mbushur me dollarë. Pas numërimit të parave brenda natës, policia tha se numri përfundimtar ishte 51 milion reale, ose 16.4 milionë dollarë.
Konfiskimi i së martës vjen disa javë pasi ligjvënësit votuan kundër vendosjes së Temerit në gjyq për akuzat për korrupsion, gjë që lejoi qeverinë e tij të kthejë vëmendjen në agjendën e reformës ekonomike.
Vieira Lima u arrestua në muajin korrik, me dyshimin se ai u përpoq të pengonte hetimet për devijimin e fondeve nga një bankë shtetërore dhe që atëherë ishte në arrest shtëpiak.
Më parë të martën, policia federale gjithashtu kërkoi shtëpinë dhe pyeti kreun e Komitetit Olimpik të Brazilit në lidhje me akuzat për ryshfet të paguara për zhvillimin e lojërave olimpike 2016.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
