Departamenti Amerikan i Shtetit thotë se Sekretari i Shtetit Blinken do të niset të hënën drejt Arabisë Saudite, në kuadër të përpjekjes për arritjen e armëpushimit në Gaza.
Departamenti i Shtetit tha në një deklaratë se: "Blinken do të diskutojë rritjen e fundit të ndihmës humanitare që po dërgohet në Gaza dhe të nënvizojë rëndësinë e sigurimit të rritjes së qëndrueshme."
“Sekretari do të theksojë gjithashtu rëndësinë e parandalimit të përhapjes së konfliktit dhe do të diskutojë përpjekjet e vazhdueshme për të arritur paqen dhe sigurinë e qëndrueshme në rajon, duke përfshirë një rrugë drejt një shteti të pavarur palestinez me garanci sigurie për Izraelin”, shtoi ai.
Ministri i Jashtëm i Izraelit thotë se një inkursion i planifikuar në qytetin Rafah mund të pezullohet nëse arrihet një marrëveshje për të siguruar lirimin e pengjeve izraelitë të mbajtur nga Hamasi.
"Lirimi i pengjeve është prioriteti kryesor për ne," tha Ministri i Jashtëm Israel Katz gjatë një interviste për televizionin izraelit "Channel 12".
I pyetur nëse kjo përfshinte shtyrjen e një operacioni të planifikuar që do të synonte batalionet e Hamasit në qytetin Rafah, Katz u përgjigj: "Po".
Ai vazhdoi duke thënë: “Nëse do të ketë një marrëveshje, ne do të pezullojmë operacionin”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
