Irani dhe Izraeli po vazhdojnë të sulmojnë njëri-tjetrin sot në mbrëmje, ndërkohë që Presidenti amerikan Donald Trump nuk e mohoi mundësinë e përfshirjes së SHBA-ve në konflikt.
Një sulm izraelit goditi pranë selisë së policisë në kryeqytetin iranian, Teheran, duke plagosur një numër policësh, raportojnë mediat shtetërore.
“Disa ndërtesa rreth selisë së Policisë Kombëtare u sulmuan dhe një numër kolegësh tanë u plagosën”, raporton agjencia zyrtare e lajmeve IRNA.
I pyetur nëse mund t’i bashkohet SHBA sulmeve të Izraelit në Iran, Trump tha më herët: “Mund ta bëj, mund të mos e bëj”. Ai shtoi se Irani ka shumë probleme dhe do të negociojë.
Nuk vonoi kundërpërgjigja e Tehranit se “Irani nuk do të përulet para Shtëpisë së Bardhë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
