Në studion e emisionit “Arnautistan”, pedagogu e studiuesi Ridvan Peshkopia dhe gazetari Mustafa Nano debatuan në lidhje me demokracinë liberale. Peshkopia tha se për Rusinë ka një perceptim të shtrembëruar, ndërsa Nano theksoi se mungesa e opozitës është tregues i qartë i mungesës së demokracisë.
Peshkopia: Ka një perceptim karikaturesk për Rusinë. Njerëzit në Rusi hapur kritikojnë Putinin. Askush nuk futet në burg se e shan. Në Rusi protestojnë kundër Putinit.
Nano: Kur kanë protestuar. Duket sikur jeton në një realitet tjetër. Në momentin që kishte opozita dhe ishte ai që vdiq në burg, bëheshin qindra vetë dhe dilnin e protestonin. Tani protestat janë pse nuk e zhduk Ukrainën?
Peshkopia: Mediat perëndimore nuk kanë qejf t’i raportojnë këto gjëra. Shkojnë e raportojnë që populli rus nuk e do Putinin.
Nano: Populli rus e do Putinin. Ashtu si populli shqiptar donte Enver Hoxhën, deri në momentin që Putin është në komandë, populli rus do ta dojë. Problemi është se aty nuk ka opozitë.
Peshkopia: A mos nuk ka opozitë sepse populli rus e do Putinin.
Nano: Edhe në Kinë nuk ka opozitë se duan Xi-në?
Peshkopia: Kina është tjetër, është sistem njëpartiak. Sistemi politik rus është integral, ai kinez është kulturalist. Ata kanë martuar marksizmin me konfucizmin.
Nano: Demokracia liberale nuk është vlerë universale. Nuk është e thënë që të vlejë edhe pas 100 vitesh.
Peshkopia: Ajo nuk vlen që tani
Nano: Në Europë ka funksionuar. Në Zvicër...
Peshkopia: Po, ka funksionuar. Sepse nuk ka demokraci liberale pa çelik, Zvicra e ka mbajtur çelikun. Këta e kanë çuar në Kinë.
Nano: Kjo teza që lidh demokracinë me industrializimin…
Peshkopia: Nuk është teza ime. Është tezë e njohur. Gjithmonë asociohen. U industrializua Kili, kaloi në demokraci. Gjithmonë ka ndodhur dhe do të ndodhë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
