Një nga bosët e mafies japoneze "Yakuza", ndër më të rrezikshme në botë, është arrestuar nga policia teksa ishte në kërkim prej 15 vjetësh, pasi u tradhtua nga fotografitë e tatuazheve të tij që u bënë virale në Facebook.
Shigeharu Shirai është akuzuar për vrasjen e një rivali të bandës në vitin 2003. Fotot e tatuazheve të përpunuara të 74 vjeçarit u morën nga një person lokal në Tajlandë, i pavetëdijshëm për identitetin e tij, shkruan BBC.
Bandat japoneze të "Yakuza" kanë qenë pjesë e shoqërisë japoneze për shekuj me radhë dhe kanë rreth 60,000 anëtarë.
Ndërsa bandat vetë nuk janë të paligjshme, shumica e fitimeve të tyre fitohen ilegalisht nëpërmjet lojërave të fatit, prostitucionit, trafikut të drogës dhe hakimit.
Kur fotografitë e Shirai u bënë virale, ato kapën vëmendjen e policisë japoneze që kërkoi arrestimin e tij.
Policia e arrestoi atë në qytetin e Lopburi, në veri të Bangkokut, për shkelje të vizave, ndërsa do të ekstradohet në Japoni për t'u përballur me akuzat për vrasje.
Ai pranoi se ishte anëtar i bandës "Yakuza" por nuk rrëfeu asgjë për vrasjen e vitit 2003. Ai u largua nga Japonia për në Tajlandë në vitin 2005.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
