Komisioni i Jashtëm i Parlamentit Evropian ka përmbyllur diskutimet dyditore rreth raportit të eurodeputetit Knut Fleckenstein për ecurinë e reformave në Shqipëri. Fleckenstein tha në fund të punimeve se procesi i hapjes së negociatave do të nisë pas zgjedhjeve, me kushtin që zbatimi i reformës në drejtësi të bëjë hapat e parë.
“Për të hapur negociatat ose jo, ne kemi deklaruar qartë se nëse implementimi i reformës në sistemin gjyqësor nis, duhet të bëhet menjëherë pas zgjedhjeve edhe hapja e negociatave. Nuk ka nevojë për monitorim të madh, sepse i besojmë qeverisë dhe Parlamentit, por ata duhet të përmbyllin dhe të shohim hapat e parë të zbatimit të reformës. Pas kësaj, jam I sigurt se negociatat do të nisin”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
