Një pacient humbi jetën në spital, Prokuroria Fier dërgon për gjykim 5 mjekë

Prokuroria Fier dërgon në gjyq 5  mjekë të Spitalit Rajonal për “Neglizhencë në trajtimin mjekësor”.

Sipas organit të akuzës rezulton se si pasojë e neglizhencës së 5 mjekëve në fjalë, ka ndërruar jetë pacienti me inicialet B.SH. 

Në njoftim thuhet:

Prokuroria pranë Gjykatës së Shkallës së Parë të Juridiksionit të Përgjithshëm Fier, ka përfunduar hetimet paraprake të çështjes penale nr.1437, viti 2022, dhe dërgon për gjykim 5 (pesë) të pandehur, mjekë të Spitalit Rajonal Fier, konkretisht të pandehurit L.V( M), E.D., A.S., A.S. dhe N.B., për veprën penale, “Neglizhenca në trajtimin mjekësor”, parashikuar nga neni 96 paragrafi i 2 Kodit Penal. Nga provat e administruara dhe analizimi i tyre, ka rezultuar se pesë mjekët kanë neglizhuar në trajtimin mjekësor të shtetasit B.SH., i cili më pas ka ndërruar jetë. Prokuroria Fier, është plotësisht e angazhuar për të ushtruar ndjekje penale dhe vënë para përgjegjësisë të gjithë funksionarët publikë që kryejnë vepra penale".