Së shpejti të gjithë qytetarët e ke ryeqytetit dhe ata të Durrësit do të kenë mundësi që të lëvizin me tren. Por kësaj here linja hekurudhore do të ketë edhe një devijim për në aeroportin e Rinasit duke i dhënë mundësin të gjithëve që të lëviznin lirshëm dhe pa probleme në drejtim të Rinasit pa problem.
Komisioni i Parlamentar i Ligjeve miratoi marrëveshjen e huasë prej, 36.8 milionë eurosh me Bankën Europiane për Rindërtim dhe Zhvillimi, për ndërtimin e linjës hekurudhore Tiranë-Rinas-Durrës.
Projekti parashikon rehabilitimin e hekurudhës ekzistuese, dhe ndërtimit të degëzimit për në aeroportin e Rinasit.
Punimet pritet të nisin në shtator të këtij viti, ndërsa parashikohet që linja hekurudhore të jëtë funksionale brenda tri viteve.
Drejtori i Përgjithshem i Politikave të Transportit dhe Infrastrukturës në Ministrinë e Transporteve, Thimio Plaku, tha se qeveria parashikon dhe investime të tjera ambicioze në hekurudhë.
"Që javën e kaluar filloi studimi i fizibilitetit për hekurudhën Durrës-Rrogozhinë-Elbasan-Librazhd-Pogradec dhe Lin. Gjithashtu kemi një grand prej 4.5 mln euro të miratuar së fundmi do të kryhet projekti i zbatimit i hekurudhës Vorë – Hani i Hotit. Kemi aplikuar së bashku me ministrinë greke të Transportit për një studim fizibiliteti për lidhjen hekurudhore të Shqipërisë me Greqinë", deklaroi Plaku.
Projekti i hekurdhës Tiranë -Rinas- Durrës, kushton 91 milion euro, ku 36. 8 milion euro janë kredi nga BERZH, 32.9 milion euro grant nga marrëveshja e Berlinit në kuadër të projekteve të Bashkimit Europian për Ballkanin perëndimor, ndërsa pjesa tjetër do të financohet nga qeveria shqiptare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
