Komisioni i Ankimimeve dhe Sanksioneve ka ndryshuar sërish situatën për mandatin e koalicionit Nisma Shqipëria Bëhet, duke i dhënë një tjetër kthesë luftës mes Adriatik Lapajt dhe Endri Shabanit.
KAS rrëzoi kryekomisionerin Ilirjan Celibashi duke ia hequr mandatin kushërirës së Lapajt, Kleana Xhuvelit e katërta në listën e mbyllur dhe duke ia kaluar atë Ana Dajkos, e para në listën e mbyllur.
Ky vendim u mor me argumentin se dorëheqjet kolektive të kandidatëve fiktivë në listën e mbyllur të Nismës shqipëria Bëhet, ishin jolegjitime.
Ndërkohë anëtarët e KAS morën këtë të mërkurë edhe vendimin për të rrëzuar ankimimin e kandidates së PD-së Andia Ulliri dhe për të lënë në fuqi mandatin e deputetit për qarkun Durrës në listën e hapur tek ish-prokurori i shkarkuar nga vettingu, Arjan Ndoja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
