Mësohen detaje të reja lidhur me krimin në familje të ndodhur një ditë më parë në Lezhë, ku 62-vjeçari Arsen Dani i cili vuan nga probleme të shëndetit mendor, vrau me thikë nënën e tij Gjylije Dani 88 vjeçe.
Korrespondenti Jul Simoni raportoi për MCN Live se krimi ndodhi në apartamentin ku jetonin nënë e bir në katin e katërt të pallatit në lagjen “Besëlidhja” në Lezhë.
Kanë qenë fqinjët ata kanë dëgjuar zhurmën dhe kanë njoftuar policinë në lidhje me rastin, duke çuar në arrestimin e të dyshuarit.
Arsen Dani nuk kishte shfaqur agresivitet për fqinjët apo në komunitet, pavarësisht se problemet e tij zgjasnin prej kohësh.
Lezha nuk ka një qendër apo spital për trajtimin e personave të tillë pjesa më e madhe dërgohen në spitalin e Shkodrës.
Ai nuk kishte shfaqur shenja agresiviteti deri ditën e djeshme kur goditi me thikë nënën e tij 88-vjeçare.
“Kam vrarë 2 mijë vetë dhe nuk më besonte njeri, vrava nënën time dhe ma besuan”, kështu është shprehur para hetuesve Arsen Dani.
62-vjeçari ka shfaqur probleme të theksuara të shëndetit mendor, ndërsa po mbahet në dhomat e paraburgimit të komisariatit të Lezhës në pritje për tu njohur ma masën e sigurisë në gjykatë, e cila do të zhvillohet pas 48 orëve.
Ish-arsimtarja Gjylije Dani, u qëllua disa herë me thikë në shpinë, nga djali i saj duke bërë që të gjejë vdekjen e menjëhershme si pasojë e plagëve të marra.
Arsen Dani u prangos pa bërë rezistencë si dhe iu sekuestrua thika me të cilën kishte kryer vrasjen.
Ceremonia mortore për të moshuarën është organizuar nga të afërmit e saj dhe ajo do të prehet në varrezat e qytetit të Lezhës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
