“Suksese në jetë”, të rinjtë presin Beqajn me vezë e domate te dera e ministrisë

Një grup të rinjsh kanë protestuar mëngjesin e sotëm në hyrje të Ministrisë së Shëndetësisë, duke I bllokuar hyrjen ministrit Ilir Beqaj.

Të rinjtë protestues kanë gjuajtur me vezë dhe domate ministrin duke mos e lënë të kalojë.

Është dashur ndërhyrja e policisë, që ministri të mund të hynte në zyrë.

Protestuesit mbanin në duar banderola ku shkruhej “Beqaj nuk kalon. Suksese në jetë”.

Pak ditë më parë, në emisionin “Stop” u shfaq një regjistrim audio, në të cilin ministri Beqaj I komunikonte pushimin nga puna një drejtori në Tropojë me argumentin se nuk kishte marrë pjesë në mbledhjen e PS­-së.

Shprehja e përdorur disa herë për t’i komunikuar këtë vendim ishte “suksese në jetë”.