Aktorja Angela Lansbury, e cila fitoi famë ndërkombëtare si ylli i serialit kriminal televiziv amerikan ‘Murder, She Wrote’, ka vdekur në moshën 96-vjeçare.
Ev nominuar tre herë për Oscar kishte një karrierë që përfshinte tetë dekada, në film, teatër dhe televizion.
E lindur në vitin 1925, ajo ishte një nga yjet e fundit të mbijetuar të Epokës së Artë të kinemasë së Hollivudit.
Dame Angela vdiq në gjumë vetëm pesë ditë para ditëlindjes së saj të 97-të, tha familja e saj në një deklaratë.
“Fëmijët e Dame Angela Lansbury janë të pikëlluar të njoftojnë se nëna e tyre vdiq paqësisht në gjumë në shtëpinë e saj në Los Anxhelos”, tha familja.
E lindur në Londër, Dame Angela më vonë u zhvendos në Nju Jork dhe ndoqi Shkollën e Artit Dramatik Feagin.
Ajo u vu re nga një ekzekutiv i Hollivudit në një festë në vitin 1942 dhe iu dha roli i saj i parë si shërbëtore në filmin e vitit 1944, Gaslight.
Karriera e saj e mëvonshme e çoi atë nga Broadway në Hollywood, me sukses në ekranin e madh dhe të vogël.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
