Presidenti i Shteteve të Bashkuara, Donald Trump, ka njoftuar nënshkrimin e një urdhri ekzekutiv i cili do ta bëjë burgun e Guantanamos një vend ku do të ndalohen emigrantët e paligjshëm.
Trump tha të mërkurën se do të urdhërojë Pentagonin dhe Departamentin e Sigurisë Kombëtare që të përgatisin një objekt ndalimi emigrantësh në Gjirin e Guantanamos për rreth 30.000 emigrantë.
Disa prej tyre janë aq të këqij sa që ne nuk u besojmë as vendeve që i mbajnë.
Ne nuk duam që ata të kthehen, kështu që do t’i dërgojmë në Guantanamo.
Në burgun e sigurisë maksimale brenda bazës detare amerikane në Kubë, të burgosurit e lidhur me terrorizmin kundër Shteteve të Bashkuara janë mbyllur prej vitesh.
Është e vështirë të ikësh nga ai vend.
Baza detare amerikane në Gjirin e Guantanamos, Kubë, tashmë strehon një strukturë emigrantësh të ndarë nga burgu i sigurisë së lartë amerikane për të dyshuarit e huaj për terrorizëm, e cila është përdorur me raste për dekada, duke përfshirë edhe për të mbajtur Haitianët dhe Kubanët të kapur në det.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
