Orban: Sanksionet ndaj Rusisë po shkatërrojnë ekonominë europiane, BE e qëlloi veten në “mushkëri”

Kryeministri hungarez Viktor Orban hodhi kritika të ashpra ndaj Europës duke bërë thirrje për një rishikim të rishikimit të strategjisë së BE-së.

Sanksionet nuk po e ndihmojnë Ukrainën, ato janë të këqija për ekonominë europiane dhe nëse kjo vazhdon, do të shkatërrojnë ekonominë europiane.

Bashkimi Europian e ka qëlluar veten në mushkëri me sanksione ekonomike të keq konceptuara kundër Rusisë, të cilat, nëse nuk hiqen, rrezikojnë të shkatërrojnë ekonominë europiane.

Furnizimet e gazit natyror në Europë kanë qenë të reduktuara dhe kostot e karburantit janë rritur pas ndërhyrjes ushtarake ruse në Ukrainë në shkurt dhe sanksioneve pasuese.

Orban urdhëroi të mërkurën një ndalim të eksporteve të karburanteve si gazi natyror dhe heqjen e një kufiri shumëvjeçar të çmimeve të shërbimeve për familjet me konsum më të lartë.

Në fillim mendova se kishin qëlluar vetëm në këmbë, por tani është e qartë se ekonomia europiane e ka qëlluar veten në mushkëri dhe po lufton për të marrë frymë.

Kështu tha 59-vjeçari, një kundërshtar i gjatë i sanksioneve ndaj Rusisë, në një intervistë të tij për mediat vendase.

Ukraina ka nevojë për ndihmë, tha Orban, dhe se liderët europianë duhet të rimendojnë strategjinë e tyre pasi sanksionet kanë shkaktuar dëme të gjera në ekonominë europiane pa dobësuar Rusinë apo duke e afruar luftën disamujore drejt fundit.