Komisioneri Shtetëror i Zgjedhjeve, Ilirjan Celibashi, ka publikuar numrin e votuesve shqiptare, të pasqyruar sipas qarqeve.
“3.588.869 qytetarë shqiptarë kanë të drejtën të votojnë në 25 prill 2021”, njofton Celibashi.
Tirana është qarku më i madh me 910 mijë e 494 votues. Ndiqet nga Fieri me 403 mijë e 220 votues.
Më pas renditen Durrësi me mbi 358 mijë dhe Elbasani me rreth 347 mijë votues.
Në Vlorë do të kenë mundësi të votojnë mbi 318 mijë votues. 284 mijë e 363 janë në Korçe, 272 mijë në Shkodër dhe 173 mijë në Lezhë.
Qarqet me më pak votues janë Dibra me 131 mijë, Gjirokastra me 123 mijë dhe Kukësi me 83 mijë.
Më 25 prill, shqiptarët votojnë për të zgjedhur përfaqësuesit e tyre në Kuvendin e Shqipërisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
